Azərbaycan, Bakı, 22 fevral /Trend, müxbir E.İsmayılov/
Nəqliyyat Nazirliyi "Azəryolservis" ASC 2015-ci ilədək Bakı-Quba-Rusiya sərhədi avtomobil yolunun yenidən qurulması prosesini başa çatdırmağı planlaşdırır. Trend-in məlumatına görə, bu barədə cümə günü jurnalistlərə ASC-nin sədri Cavid Qurbanov deyib.
"Gəndobdan Rusiya sərhədinədək qalan hissə həmçinin yenidən qurulacaq. Bu yolun yenidən qurulması prosesini 2015-ci ilədək tam başa çatdırmağa çalışacağıq", - Qurbanov qeyd edib.
Onun sözlərinə görə, hazırda qalan sahədə torpaq işləri aparılır, xüsusilə, bu işlərin artıq 55 faizə yaxını yerinə yetirilib. Avtomobil yolunun qalan sahəsinin yenidən qurulması çərçivəsində artıq torpaqların satın alınması prosesi başa çatıb, torpaq sahələrinə görə kompensasiya demək olar ki ödənilib.