PCH Offshore şirkətinin işdən çıxarılmış əməkdaşlarının işi üzrə məhkəmə hazırlıq iclaslarının tarixi müəyyən edilib. Bu barədə Trend ə Azərbaycan Neft-qaz sənayesi işçilərinin həmkarlar ittifaqları Respublika Komitəsinin rəhbəri Cahangir Əliyev məlumat verib.
Samir Nəbiyevin iddiası üzrə Səbail məhkəməsinin birinci iclası fevralın 20-də, Vüsal Cəfərovun iddiası üzrə - fevralın 24-də keçiriləcək. Üçüncü əməkdaş Anar Bədəlovun iddiasına isə onun tərəfindən şikayət ərizəsinin daxil olmaması ilə əlaqədar baxılmır.
İddiaçıların əsas tələbi şirkətdə əvvəlki iş yerlərinə bərpa olunmaqdır.
"Bütün işlərin təşəbbüskarı həm də işin maliyyə tərəflərini həll edən komitədir", - deyə C.Əliyev qeyd edib.
Şirkətin hüquqşünası Mehman Sultanovun Trend ə verdiyi məlumata görə, bu şəxslərin işdən çıxarılması şirkətdə layihələr çərçivəsində işlərin həcminin azalması ilə bağlıdır.
