...

Azərfon GSM şirkəti distribütor və dilerləriylə ilk görüşünü keçirib

Telekommunikasiya Materials 21 Oktyabr 2006 14:28 (UTC +04:00)

Trend-i buradan izləyin

Oktyabrın 20-də Azərfon şirkəti öz distribyutor və dilerləri ilə ilk görüşünü keçirib. Bu barədə Trend şirkətə istinadən xəbər verir. Toplantının təşkilatçıları Azərfon barədə ümumi məlumat və şirkətin gələcək bir neçə illik planları barədə təqdimatla çıxış edib. Azərfon şirkəti rəhbərliyinin bu görüşdə əsas məqsədi şirkətin gələcək inkişafında dilerlərin və distribütorların əvəzolunmaz rolunu bütün iştirakçılara nümayiş etdirmək olub.

Görüşdə Azərfon şirkətinin baş direktoru Con Armli öz çıxışında vurğulayıb: "Biz müştərilərimizə dünya standartlarına uyğun servis göstərəcəyik. Məhz buna görə tərəfdaşlarımızla uzunmüddətli və sıx əlaqədə olmalıyıq. Əsas məqsədlərimizdən biri də daha çox müştərini Azerfon şirkətinin servislərindən istifadə etməyə cəlb etmək və abunəçilərin daim artan tələbatlarını təmin etməkdir. Buna nail olmaq üçün Azərfon şirkəti ilə diler və distribütorlar arasında tam etibar və hörmət şəraiti olmalıdır".

Azərfona mobil rabitə xidmətlərinin göstərilməsi üçün lisenziya Rabitə Nazirliyinin 28 dekabr 2005-ci ildə keçirilmiş kollegiyasının qərarı ilə verilib. Şirkətin təsisçiləri Aztelekom İB (10%), Almaniyanın Siemens (30%) və 2 Britaniya şirkətləridir (60%).

Operator qarşısına qoyulan başlıca tələb iki il ərzində ölkə ərazisinin 85%-ni mobil rabitə ilə təmin etməkdən ibarətdir. Bu dövr ərzində $300 mln həcmində sərmayə qoyuluşu nəzərdə tutulur.

Xəbər lenti

Xəbər lenti