...

Ramiz Həsənov: "Qanunsuz istehsalla məşğul olduğu aşkarlanan 3 kolbasa sexi bağlanıb"

Biznes və iqtisadiyyat xəbərləri Materials 31 Mart 2006 12:56 (UTC +04:00)

Trend-i buradan izləyin

Bakıda qanunsuz istehsalla məşğul olduğu aşkarlanan 3 kolbasa sexi bağlanıb. Trend in məlumatına görə, bu barədə jurnalistlərə Azərbaycan Respublikasının Standartlaşdırma, Metrologiya və Patent üzrə Dövlət Agentliyinin rəhbəri Ramiz Həsənov açıqlama verib. O, bildirib ki, saxta istehsalla məşğul olan müəssisələrin aşkarlanması üçün Dövlət Agentliyi araşdırma aparır.

"Bu yaxınlarda da məlum oldu ki, Azərbaycan şirkəti tükr "Aroma" əmtəə nişanından istifadə edərək nar şirəsi istehsal edir. Belə hallar çoxdur və biz onlara qarşı mübarizəyə başlamışıq. Əməkdaşlarımız hər gün ayrı-ayrı müəssisələrə gedir, araşdırmalar aparırlar. Açığını bildirim ki, bu sahədə vəziyyət çox ağırdır. Saxta məhsullar buraxan sexlər çoxdur. Əhali özü bilməlidir ki, mağazadan mal alanda əvvəlcə onun sertifikatını tələb etməlidir"-deyə Ramiz Həsənov bildirib.

O, əlavə edib ki, xeyli sayda kiçik sexlər fəaliyyət göstərir, hətta fiziki şəxslər də öz evlərində kolbsa istehsalı ilə məşğul olurlar. R.Həsənovun sözlərinə görə, qanunvericilik Dövlət Agentliyinə onları aşkar edən kimi dərhal bağlamaq imkanı vermir. Çünki müvafiq qanunun tələbinə görə, nöqsanları aşkar olunan müəssisələrə bu qüsurların aradan qaldırması üçün bir ay vaxt verilməlidir.

Xəbər lenti

Xəbər lenti