Azərbaycan, Bakı, 9 may /Trend/
Xarici İşlər Nazirliyinin nəzdində fəaliyyət göstərən Azərbaycan Respublikasının Beynəlxalq İnkişafa Yardım Agentliyinin (AIDA) direktoru Əşrəf Şıxəliyev BMT-nin Əhali Fondunun (UNFPA) Regional Direktoru Heimo Laakkonenin başçılıq etdiyi nümayəndə heyətini qəbul edib.
Nazirliyin mətbuat xidmətindən Trend-ə verilən məlumata görə, görüş zamanı tərəflər arasında AIDA və UNFPA-nın əsas fəaliyyət istiqamətləri ətrafında geniş fikir mübadiləsi aparılıb, qurumlar arasında gələcək əməkdaşlıq imkanları araşdırılmış və birgə layihələrin həyata keçirilməsi müzakirə edilib.