Azərbaycan, Bakı, 28 oktyabr/ Trend/
Azərbaycanın Xarici İşlər Nazirliyinin Azərbaycan Respublikasının Beynəlxalq İnkişafa Yardım Agentliyinin (AİDA) rəhbəri Əşrəf Şıxəliyev BMT baş katibinin köməkçisi, BMT İnkişaf Proqramının (BMT İP) direktor müavini və BMT İP-nin Siyasət və Proqramlara Dəstək İdarəsinin rəhbəri Maqdi Martinez-Solimanla görüşüb.
Azərbaycanın Xarici İşlər Nazirliyindən Trend-ə verilən məlumata görə, görüş zamanı AİDA və BMT İP arasında həyata keçirilən birgə layihələr müzakirə edilib, mövcud əməkdaşlıq əlaqələrinin genişləndirilməsi və peşəkar kadrların hazırlanmasına dair fikir mübadiləsi aparılıb.