Bakı. Trend:
ABŞ prezidenti Donald Tramp, apelyasiya məhkəməsinin digər ölkələrdən idxala tətbiq etdiyi rüsumların bir çoxunun qeyri-qanuni olduğuna dair qərarına baxmayaraq, bütün rüsumların qüvvədə qalacağını bildirib.
Trend-in məlumatına görə, bu barədə ABŞ prezidenti "Truth Social" sosial şəbəkəsində yazıb.
"Bütün rüsumlar qüvvədə qalır. Bu gün son dərəcə qərəzli apelyasiya məhkəməsi səhvən bizim tariflərimizin ləğv edilməsi barədə qərar çıxarıb, lakin onlar başa düşürlər ki, sonda ABŞ qalib gələcək.Əgər bu rüsumlar nə vaxtsa götürülsə, ölkəmiz üçün fəlakət olacaq. Bu, bizi maddi cəhətdən zəiflədə bilər və biz güclü olmalıyıq", - deyə o qeyd edib.
Tramp əlavə edib ki, “Birləşmiş Ştatlar daha böyük ticarət kəsirlərinə və dost və ya düşmən olsun, digər ölkələrin ədalətsiz tarifi və qeyri-tarif ticarət maneələrinə dözməyəcək”.