...

Süni intellekt peşələri məhv etmir, dəyişdirir - Bəxtiyar Aslanbəyli

İqtisadiyyat Materials 29 Avqust 2025 12:33 (UTC +04:00)
Süni intellekt peşələri məhv etmir, dəyişdirir - Bəxtiyar Aslanbəyli
Aytac Şirəliyeva
Aytac Şirəliyeva
Bütün xəbərlər

Bakı. Trend:

İQ və EQ gənclərin inkişaf yolunun vacib hissəsi olmaqla yanaşı, artıq yalnız gənclər üçün deyil, bütün insanlar üçün önəm daşıyır. Son illərdə isə iki yeni anlayış – SQ (sosial zəka) və AQ (uyğunlaşma qabiliyyəti) terminləri də geniş istifadə olunmağa başlayıb.

Trend xəbər verir ki, bunu bp-nin Xəzər regionu üzrə vitse-prezidenti Bəxtiyar Aslanbəyli BCC Akademiyasının proqramı çərçivəsində “Gələcək karyeralar: necə aktual, hazır və tələb olunan qalmaq olar?” mövzusunda keçirilən panel müzakirəsində deyib.

O bildirib ki, mütəxəssislərin fikrincə, emosional zəka ilə yanaşı, sosial bacarıqlar və uyğunlaşma qabiliyyəti də müasir dövrdə uğur üçün əsas şərtlərdən sayılır:

"Buna görə də dünyanın bir çox universitetləri artıq təhsillə yanaşı tələbələrdə yumşaq bacarıqları inkişaf etdirməyə daha çox diqqət yetirirlər. Universitet seçiminin uğurla nəticələnməsinin isə yalnız adla bağlı olmadığı vurğulanır. Məsələn, Harvard kimi nüfuzlu universitetlərdə oxuyanların hamısı uğur qazanmır. Ekspertlər bildirirlər ki, uğur yalnız universitet təhsili ilə ölçülmür. Əsas məqsəd təhsil almaq, bir peşəyə sahib olmaq və bacarıqlar qazanmaqdır".

bp rəsmisi vurğulayıb ki, əgər peşə və bacarıqlar yoxdursa, insan EQ, SQ və AQ baxımından nə qədər güclü olsa belə, bunlar kifayət etmir:

"Əvvəlcə təhsilli olmaq vacibdir. Daha sonra emosional zəka, sosial bacarıqlar və uyğunlaşma qabiliyyəti inkişaf edir.

Süni intellekt təhsildə yeni alətlər yaratsa da, peşələri məhv etmir, əksinə dəyişdirir. Gənclərin gələcək iş bazarında uğurlu ola bilməsi üçün isə üzərlərində işləmələri, fəal və intizamlı qalaraq dəyişikliklərə uyğunlaşmaları zəruri hesab olunur".

Xəbər lenti

Xəbər lenti