Bakı. Trend:
İslam İnqilabı Keşikçiləri Korpusunun (SEPAH) İranın Çabahar şəhəri üzərində ABŞ-nin F/A-18 qırıcı təyyarəsinin vurulması ilə bağlı açıqlaması həqiqətə uyğun deyil.
Trend-in məlumatına görə, bu barədə ABŞ Mərkəzi Komandanlığının (CENTCOM) açıqlamasında bildirilib.
"Yalan: SEPAH Çabahar üzərində yeni qabaqcıl hava hücumundan müdafiə sistemləri istifadə edilərək Amerika F/A-18 qırıcı təyyarəsinin vurulduğunu açıqlayıb. Doğrudur: İran tərəfindən bir dənə də olsun Amerika qırıcı təyyarəsi vurulmayıb", - deyə bildirilib.
Qeyd edək ki, bir müddət əvvəl İran silahlı qüvvələri ABŞ Hərbi Hava Qüvvələrinə məxsus olduğu iddia edilən F-18 qırıcı təyyarəsinin İranın səmasında vurulduğunu açıqlamışdı.