Bakı. Trend:
Almaniya millisinin və “Bavariya”nın futbolçusu Leon Qoretzka karyerasını Türkiyədə davam etdirməyə yaxındır.
Trend xəbər verir ki, bu barədə xarici KİV-lər məlumat yayıb.
Məlumata görə, “Fənərbaxça”dan sonra Türkiyədən daha bir klub almanı heyətinə qatmağı planlaşdırır. “Qalatasaray” da Qoretzka üçün hərəkətə keçib.
Mövsümün sonunda “Bavariya” ilə müqavilə müddəti başa çatacaq yarımmüdafiəçi “Fənərbaxça” və “Qalatasaray” arasında seçim etməli olacaq.
Qeyd edək ki, o, 2018-ci ildə “Bohum”dan “Bavariya”ya keçib.