Bakı. Trend:
Çinin "Long March 2D" raketi cümə axşamı günü iki Yer müşahidə peyki - "SuperView Neo 2-05" və "Neo 2-06"nı orbitə çıxarıb.
Trend-in məlumatına görə, bu barədə Çin Aerokosmik Elm və Texnologiya Korporasiyası (CASC) xəbər verib.
Raket Çinin şimalındakı Şansi əyalətindəki Tayyuan kosmodromundan Pekin vaxtı ilə səhər saat 06:51-də buraxılıb. Kosmik gəmi təyin olunmuş orbitə uğurla daxil olub.
Korporasiyanın məlumatına əsasən, buraxılış CASC-nin törəmə şirkəti olan geodeziya və kartoqrafiya sahələrində texnologiyalar hazırlayan və tətbiq edən, həmçinin peyk məlumatları və coğrafi məkan məlumatları təqdim edən aparıcı Çin şirkəti olan "China Siwei"nin maraqları naminə həyata keçirilib.