Bakı. Trend:
ABŞ Federal Mülki Aviasiya İdarəsi (FAA) aviadispetçerlərin avadanlıqlarında yaranan nasazlıq səbəbindən ölkə üzrə bütün hava limanlarından uçuşları dayandırıb.
Müvafiq qərar fövqəladə hallar və təhlükəsizlik mülahizələri ilə əlaqədar qəbul edilib.
“Bütün hava limanlarında uçuşlara qadağa qoyulub. Yola düşməsi planlaşdırılan bütün reyslər növbəti göstəriş verilənədək hava limanlarında qalmalıdır”, - deyə sənəddə qeyd olunub.
FAA-dan bildirilib ki, məhdudiyyət uçuşların idarə edilməsi sisteminin fəaliyyətinə təsir göstərən avadanlıq nasazlığı ilə əlaqədardır.
