Bakı. Trend:
Bolqarıstanın paytaxtı Sofiyada cüdo üzrə yeniyetmələr arasında dünya çempionatı keçirilir.
Trend xəbər verir ki, bu gün daha 2 cüdoçumuz mübarizəyə qoşulacaq.
Oğlanların mübarizəsində Məhəmməd Ağakişiyev (73 kq) 1/16 finalda Yeso Samsiani (Gürcüstan) - Atxan Biçoyev (IJF) cütünün qalibi ilə qarşılaşacaq.
Qızların yarışında isə Səmayə Yusifli (57 kq) 1/16 finalda Nonoka Yamakava (Yaponiya) ilə münasibətlərinə aydınlıq gətirəcək.
Xatırladaq ki, buna qədər mundialda Zeyd Ələsgərov (60 kq) və Anar Quliyev (50 kq) bürünc medal qazanıblar.