Bakı. Trend:
ABŞ Dövlət Departamenti Ukraynaya təxminən 825 milyon dollar dəyərində qanadlı raketlərin və müvafiq avadanlıqların satışına icazə verib.
Trend-in məlumatına görə, bu barədə Pentaqon açıqlama yayıb.
Satışa 3 350 hərbi avadanlıq, GPS bələdçi dəstləri və elektron müharibə müdafiəsi daxildir.
Müqavilə ABŞ-ın Xarici Hərbi Maliyyələşdirmə proqramı, eləcə də Danimarka, Norveç və Niderland tərəfindən “Jump Start” proqramı çərçivəsində maliyyələşdiriləcək.
Pentaqonun məlumatına əsasən, paketin tərkibinə əlavə olaraq dəstək avadanlığı, missiya planlaşdırma proqramı, ehtiyat hissələri və texniki dəstək də daxildir.