Bakı. Trend:
Azərbaycan investisiya və ixracatda yeni mərhələyə yüksəlir.
Trend-in məlumatına görə, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən “Gələcək karyeralar: Necə aktual, hazır və tələb olunan qalmaq olar” mövzusunda panel müzakirəsi zamanı bildirib.
“Biznes, ixrac, investisiya sahələrində gedən proseslər Azərbaycanı yeni şirkətlər və investorlar cəlb etmək üçün əlverişli mövqeyə gətirir”, - o vurğulayıb.
Y.Abdullayev işğaldan azad edilmiş ərazilərin maddi-texniki təchizatının perspektivlərinə diqqət çəkib. Eyni zamanda, o, investisiyaların təşviqi üzrə mütəxəssislərin çatışmazlığını qeyd edib:
"Təkcə investorları cəlb etmək deyil, həm də onların ölkədəki fəaliyyətini dəstəkləmək vacibdir. Burada çevik bacarıqlar, xarici dil bilikləri və logistik səriştələrin inkişaf etdirilməsi bacarığı vacibdir".
Onun sözlərinə görə, rus dili regionda mühüm ünsiyyət vasitəsi olaraq qalır, lakin ingilis, çin, fransız və alman dillərinin populyarlığı artır.
"Çin investisiyaların təşviqi üzrə strateji tərəfdaşdır, logistika isə ingilisdilli dünyada yeni imkanlar açır. Biz Avropa və ABŞ-dən artan marağı görürük ki, onlar gələcəkdə Azərbaycan üçün mühüm tərəfdaş ola bilərlər", - Y.Abdullayev əlavə edib.