Bakı. Trend:
Bu ilin yanvar-iyul aylarında İpoteka və Kredit Zəmanət Fondunun (İKZF) xətti ilə 247,2 milyon manat kredit verilib.
Bu barədə Trend Azərbaycan Mərkəzi Bankına (AMB) istinadən xəbər verir.
Məlumata görə, bu, ötən ilin eyni dövrü ilə müqayisədə 11,8% azdır.
Təkcə iyulda isə İpoteka və Kredit Zəmanət Fondunun (İKZF) xətti ilə 14,3 milyon manat kredit verilib ki, bu da ötən ilin eyni dövründəki göstəriciyə nisbətən 71,4% azdır.
Hesabat dövründə Fondun yenidən maliyyələşdirdiyi kreditlərin məbləği isə 4,7% artaraq 257,8 milyon manat təşkil edib.
Bu il ərzində İKZF-nin istiqraz buraxmaqla cəlb etdiyi vəsaitin məbləği 23,3% artaraq 370 milyon manat olub.
Eyni zamanda Fonda dövlət büdcəsindən ayrılmış vəsaitin məbləği isə 27,1% azalaraq 47,9 milyon manat həcmində müəyyənləşib.