Bakı. Trend:
İran Silahlı Qüvvələri ölkənin cənubunda, Keşm adası üzərində ABŞ-yə məxsus "MQ-9" pilotsuz uçuş aparatını (PUA) ələ keçirərək vurub.
Bu barədə Tasnim agentliyi mənbəyə istinadən məlumat yayıb.
“Bir neçə dəqiqə əvvəl ABŞ-ın təcavüzkarına məxsus düşmən MQ-9 pilotsuz uçuş aparatı ölkənin vahid hava hücumundan müdafiə sistemi çərçivəsində ordunun müasir hava hücumundan müdafiə sistemlərinin atəşi ilə Keşm adasının səmasında vurularaq məhv edilib”, – deyə agentlik ordunun bəyanatından sitat gətirib.
