Bakı. Trend:
Paraqvay Konqresinin Senatlar Palatası (yuxarı palata) "Ueno Bank" ətrafında baş verən qalmaqalla əlaqədar ölkə prezidenti Santyaqo Penya barəsində impiçment elan edib. Qalmaqal nəticəsində bankın təxminən 3 milyon müştərisinin hesabları dondurulub.
“Santyaqo Penya Palasiosun təqsirli bilinməsi ilə bağlı qərarın lehinə 44 səs verilib, bir senator isə iclasda iştirak etməyib. Səsvermənin nəticələrinə əsasən, Santyaqo Penya Palasios vəzifə səlahiyyətlərini lazımınca yerinə yetirməməkdə təqsirli bilinir və qanuna uyğun olaraq Paraqvay Respublikasının prezidenti vəzifəsindən kənarlaşdırılır”, – deyə palatanın sədri Basilio Nunes səsvermənin nəticələrini açıqlayıb.
O, həmçinin vitse-prezident Pedro Aliananın dövlət başçısı kimi andiçmə mərasimini keçirmək üçün yaxın bir saat ərzində parlamentin hər iki palatasının növbədənkənar iclasını çağırıb.
