Bakı. Trend:
Cari ilin may ayında sərnişin üşün xüsusi əhəmiyyət kəsb edən tarixi yenilik edilmişdi. Son 16 ildə ilk dəfə interval azaldılıb.
Trend xəbər verir ki, bunu Xocəsən" elektrik deposunda ( "Xocəsən" stansiyası) Bakı metropoliteninə gətirilmiş yeni nəsil qatarların yığılaraq komplektləşdirilməsi ilə bağlı mediaturda Bakı Metropoliteni QSC sədrinin müşaviri Emil Əhmədov deyib.
O bildirib ki, başqa sözlə, qatar cütlərinin sayı 30-dan 32-yə yüksəldilərək, interval 1 dəqiqə 52 saniyəyə qədər azaldılmışdı:
"Hazırda hədəfimiz mövcud texniki imkanları bir qədər təftiş edərək, intervalı bir qədər də azaltmaqdır. İndi 2 qatar cütü sayında xətlərdə hərəkətin bir az da sxılaşdırılması üzərində iş aparılır. Əsas hədəf yeni tədris mövsümündə sərnişinləri daha çox maraqlandıran ənənəvi sərnişin sıxlığının müsbət texniki həlləri tətbiq etməkdir.
İntervalın azaldılması sərnişinin ən sıx olduğu saatlarda tətbiq olunacaq. Bununla bağlı müvafiq monitorinqlər yekunlaşmaq üzrədir. Yeni mövsüm ərəfəsində elan ediləcək. Lakin onu xüsusi qeyd etmək olar ki, intervalın azaldılması üçün əlavə 4 qatarın stansiyadan keçməsi sayəsində 19 min əlavə sərnişin daşınması imkanı yaranacaq. Bu isə illik hesabla təxminən 5 milyon sərnişin artımına bərabər bir rəqəmdir".
"Tətbiq edilən texniki həllərdən danışsaq, dispetçer idarəetməsində qrafiklərin hazırlanmasının ənənəvi mexaniki üsullardan rəqəmsal texnologiyalara keçirilməsi, bütün yollarda qatarların hərəkətinin tənzimlənməsi sistemlərinin işinə yenidən baxılması, texniki və insan faktoru ilə bağlı dinamik həllərin tətbiqi burada həlledici amillərdir.
Bilirsiniz, metropoliten üçün hər saniyənin öz xüsusi əhəmiyyəti var. Buna görə də qarşıdakı müddətdə həm yeni qrafik, həm intervalın ən optimal azaldıldığı vaxtlar, həm də interval fərqləri və digər bütün texniki məsələlərə ictimailəşdiriləcək", - E.Əhmədov deyib.