Bakı.Trend:
İmişlidə vətəndaşın saxta sənədlə hərbi xidmətdən möhlət almasına kömək edən şəxs cərimələnib.
Trend xəbər verir ki, hadisə 2023-cü ildə baş verib.
Belə ki, təqsirləndirilən şəxs İmişli rayon icra hakiminin Ölcələr kənd inzibati ərazi nümayəndəsinin müavini olduğu zaman 2004-cü il təvəllüdlü şəxsin hərbi çağırışdan möhlət ala bilməsi üçün Rusiya Federasiyasının Yessentuki İdarəetmə, Biznes və Hüquq İnstitutunda tələbə olması ilə bağlı saxta sənəd alıb. O bu yolla şəxsin 2027-ci ilə qədər hərbi xidmətdən möhlət almasına nail olub.
İmişli rayon Məhkəməsinin qərarı ilə təqsirləndirilən şəxs Cinayət Məcəlləsinin 320.2-ci maddəsi ilə təqsirli bilinib 1000 (bir min) manat məbləğində cərimə cəzasına məhkum edilib.