Bakı. Trend:
Amerika avtomobil istehsalçısı "Ford Motor" əyləc mayesinin sızmasına səbəb ola biləcək qüsurlu əyləc şlanqına görə ABŞ-də təxminən 500 min "Edge" və "Lincoln" avtomobilini geri çağırıb.
Trend xəbər verir ki, bu barədə ABŞ Milli Avtomobil Yolları Hərəkətinin Təhlükəsizliyi İdarəsi (NHTSA) məlumat yayıb.
Məlumata görə, əyləc mayesinin sızması avtomobilin əyləc məsafəsini artıraraq qəza riskini yüksəldir.
Geri çağırılma 2015-2018-ci illərin Edge və 2016-2018-ci illərin Lincoln modellərinə şamil olunur. NHTSA hesab edir ki, qüsur geri çağırılan avtomobillərin təxminən 1 faizinə qədərinə təsir edə bilər.