Bakı. Trend:
Rusiya və Çin BMT-də islahatları və xüsusilə Asiya, Afrika və Latın Amerikasının Təhlükəsizlik Şurasında təmsilçiliyinin artırılmasını dəstəkləyir. Bununla belə, dəyişikliklər diqqətlə nəzərdən keçirilməlidir.
Trend-in məlumatına görə, bu barədə Rusiya prezidenti Vladimir Putin Çinə səfəri öncəsi "Sinxua" xəbər agentliyinə verdiyi yazılı müsahibədə vurğulayıb.
"Rusiya və Çin dünya təşkilatının öz nüfuzunu tam bərpa edə bilməsi və müasir reallıqlara uyğunlaşması üçün islahatların aparılmasının tərəfdarıdır. Xüsusilə, biz Təhlükəsizlik Şurasının üzvləri sırasına Asiya, Afrika və Latın Amerikası dövlətlərini daxil etməklə ona daha demokratik xarakter verilməsinin tərəfdarıyıq", - deyə o qeyd edib.
Putin qeyd edib ki, hər hansı dəyişiklik diqqətlə yoxlanılmalıdır.