Bakı. Trend:
ABŞ Dövlət Departamenti 179,1 milyon dollar dəyərində "Patriot" zenit-raket kompleksləri üçün Ukraynaya potensial logistik xidmətlərin göstərilməsini təsdiqləyib.
Trend-in məlumatına görə, bu barədə hökumətlərarası müqavilələr əsasında xaricə hərbi texnika və silahların tədarükünə cavabdeh olan Pentaqonun Təhlükəsizlik sahəsi üzrə Əməkdaşlıq Agentliyi bildirib.
Qeyd edilib ki, Kiyev bundan əvvəl ABŞ-dən bu zenit-raket kompleksləri, eləcə də onlar üçün müxtəlif ehtiyat hissələri və avadanlıqlara texniki dəstək göstərməyinə sorğu göndərib. Amerika tərəfi “məxfi və məxfi olmayan ehtiyat hissələri, texniki dəstək, onun üçün məxfi və məxfi olmayan proqram təminatı və yeniləmələr, sistem modifikasiyaları və müvafiq dəstlər”, eləcə də müxtəlif digər avadanlıqları təqdim etməyə hazırdır.