Bakı. Trend:
Balabəy Ağayev Birləşmiş Ərəb Əmirliklərinin paytaxtı Əbu-Dabidə keçirilən cüdo üzrə Böyük Dəbilqə turnirində qızıl medal qazanıb.
Bu barədə Azərbaycan Cüdo Federasiyasından məlumat verilib.
Məlumata görə, cüdoçumuz finalda Tacikistan idmançısı Loiq Kudbudinova ipponla qalib gələrək qızıl medal əldə edib.
Qeyd edək ki, bu, Azərbaycan millisinin Əbu-Dabidə keçirilən Böyük Dəbilqə turnirində qazandığı ikinci qızıl medaldır. Daha əvvəl Könül Əliyeva da yarışın qalibi olub.
