Bakı. Trend:
ABŞ Dövlət Departamenti "Patriot" zenit-raket komplekslərinin və müvafiq maddi-texniki təminatının Danimarkaya 8,5 milyard dollara potensial satışına icazə verib.
Trend-in məlumatına görə, bu barədə hökumətlərarası müqavilələr əsasında xaricə hərbi texnika və silahların tədarükünə cavabdeh olan Pentaqonun Təhlükəsizlik sahəsi üzrə Əməkdaşlıq Agentliyi xəbər verib.
Məlumata əsasən, Danimarka hakimiyyəti daha əvvəl ABŞ-dən 36 "GEM-T" qarşılayıcı raket, 20 "PAC-3" qarşılayıcı raket, iki "AN/MPQ-65" radiolokasiya stansiyası, iki atəşə nəzarət postu, eləcə də komplekslə əlaqəli digər sistemlər xahiş edib.
Sənəddə vurğulanıb ki, “ehtimal edilən satış NATO müttəfiqinin müdafiəsini gücləndirməklə ABŞ-ın xarici siyasəti və milli təhlükəsizlik məqsədlərinə uyğun olacaq”.