Bakı. Trend:
Aprelin 6-da "MiniBoss Business School Baku"nun təşkilatçılığı və Kapital Bank-ın dəstəyi ilə 6-17 yaşlı uşaq və yeniyetmələr arasında sahibkarlıq üzrə "Startap Forum-2024" keçirilib.
Trend xəbər verir ki, tədbir çərçivəsində 17 komanda müxtəlif sahələrdə öz biznes layihələrini yerli biznes icmasından olan tanınmış sahibkarlara və investorlara təqdim edib.
"MiniBoss Business School Baku"nun təsisçisi Nərminə Hasanova jurnalistlərə müsahibəsində qeyd edib ki, hər il forumda iştirak edən komandaların sayı artmaqla yanaşı, təşkilatçıların məsuliyyəti də artır:
""MiniBoss Business School Baku" tərəfindən keçirilən startap forumu uşaq və yeniyetmələrə öz biznes layihələrini təqdim etmək imkanı verən platformadır. Bu forum dördüncü dəfədir keçirilir və hər il olduğu kimi, uşaq və yeniyetmələr öz yaradıcı biznes ideyalarını təqdimat şəklində təqdim edir və münsiflər heyəti qarşısında çıxış edirlər. Bu il forumda 17 komanda iştirak edir və tədbirin sonunda öz layihələrinin həyata keçirilməsi üçün qrantlar alacaqlar. Bu il iyunun 8-də baş tutacaq ölkə çempionatında komandalar yenidən hazır məhsul və ya xidmətlə münsiflər heyəti qarşısına çıxaraq gördüyü işlər barədə hesabat təqdim edəcəklər. Qeyd edim ki, 2023-cü ilin iyulunda Qlazqoda (Şotlandiya) keçirilən dünya çempionatında "MiniBoss Business School Baku"nu təmsil edən "Econotes" layihəsinin müəllifləri birinci yeri tutublar. Bununla yanaşı, orada təqdim olunan doqquz layihədən altısı davamlı inkişaf sahəsində BMT-nin mükafatlarına layiq görülüb və "MiniBoss Business School Baku"nu Azərbaycandakı nümayəndəliyi 73 filial arasından birinci seçilib".
"MiniBoss Business School Baku"nun direktoru Alina Xələfova vurğulayıb ki, "MiniBoss Business School Baku" tələbələri hər il startap forumunu səbirsizliklə gözləyir:
"Bu il ərzində uşaqlar və yeniyetmələr həm nəzəri, həm də praktiki məşğələlərdə iştirak edib, ideyalar hazırlayıb, startap forumunun münsiflər heyətinə təqdim etmək üçün onlar üzərində işləyiblər. Bu gün zalda dörd kursun tələbələri var. Təbii ki, birinci kurs tələbələri forumda ilk dəfə iştirak etdikləri üçün həyəcanlı olurlar".
Startap forumunun münsiflər heyətinə aşağıdakılar daxildir: Komplayens və Korporativ İdarəetmə direktoru, “Kapital Bank” ASC-nin İdarə Heyətinin üzvü Kamal Abdullayev, SOCAR Capital-ın baş icraçı direktoru Samir Kərimli, Kiçik və Orta Biznesin İnkişafı Agentliyinin İdarə Heyətinin sədr müavini Azərbaycan Rüfət Atakişiyev, "PAŞA İnşaat"ın Baş Maliyyə Direktoru Nigar Əliyeva, Böyük Britaniyanın Azərbaycandakı Ticarət Palatasının sədri Con Patterson, British Council-ın Azərbaycan üzrə direktoru Nərgiz Hacıyeva, Dünya Bankının Azərbaycan üzrə regional meneceri Stefani Ştallmayster və Global University Placement-in direktoru Bəsti Ağarzayeva.
Startap Forum-2024 zamanı startap layihələrini münsiflər heyəti üzvlərinin diqqətinə bu 17 komanda təqdim etdi: Sketchio, Lumeni, Explore Azerbaijan, Dill Buzz, Cashy, Special "Me", Flash skateboard , Khari Touch, Imagicubes, Chaykhor, Connect & Care, Memory book, LinguaPlay, Cultstick, Az-Bathty, Ecoleaf, Meyvali.
MiniBoss Business School tələbələri münsiflər heyətinə tekstil, əyləncə, qida, ətir, İT və ətraf mühit sektorlarını əhatə edən startap layihələrini təqdim ediblər. Təqdimatları zamanı gənc sahibkarlar həyata keçirdikləri layihələrin biznes planını açıqlayıb, ideyalarının üstünlükləri, onların həyata keçirilməsi üçün tələb olunan ilkin kapital, habelə hədəf auditoriya haqqında danışıb, bazar araşdırmalarının nəticələrini bölüşüblər. Təqdimatdan sonra komanda üzvləri münsiflər heyəti üzvlərinin suallarını cavablandırıblar. Sualları cavablandırarkən, onlar son dərəcə özlərinə inamlı olublar, layihələri həyata keçirmək üçün nə qədər pul lazım olacağı, potensial mənfəət, bazar imkanları və s. haqqında aydın və inandırıcı danışdılar. Onların öz məhsullarını yaratmaq və ideyalarını həyata keçirmək biliyi və istəyi "MiniBoss Business School Baku"da təlimlər sayəsində mümkün olub. "MiniBoss Business School Baku"da peşəkar müəllimlər və mentorlardan əldə etdiyi biliklər sayəsində getdikcə daha çox uşaq və yeniyetmə yeni ideyalar yaradır, öz bizneslərini açmaq, potensiallarını artırmaq, layihələrini yerli bazarın şərtlərinə uyğunlaşdırmaq arzusundadırlar.
Bütün startap layihələrinin təqdimatından sonra onlar münsiflər heyəti tərəfindən qiymətləndirilib və komandalara layihələrinin həyata keçirilməsi üçün müvafiq qrant ayrılıb.
Beləliklə, komandalar aşağıdakı məbləğdə qrant alıblar: Sketchio – 1450 manat; Lumeni – 990 manat; Explore Azerbaijan – 1275 manat; Dill Buzz – 850 manat; Cashy – 2140 manat; Special "Me" – 630 manat; Flash skateboard – 815 manat; Khari Touch – 1265 manat; Imagicubes – 1440 manat; Chaykhor – 1240 manat; Connect & Care – 1065 manat; Memory book – 625 manat; LinguaPlay – 2050 manat; Cultstick – 1180 manat; Az-Bathty – 3050 AZN; Ecoleaf – 1100 manat; Meyvali – 3015 manat.
Qrantların məbləği açıqlanandan sonra forumda iştirak edən sahibkarlardan biri 1000 manat məbləğində subsidiya təqdim edib. Bu məbləğ əvvəllər 1000 manat ayırdığı "Meyvali" komandası istisna olmaqla, 16 komanda arasında bərabər bölünəcək (qeyd - "Meyvali" münsiflər heyətindən 2015 manat alıb, bu məbləğə 1000 manat sahibkardan əlavə edilib, qrantın ümumi məbləği 3015 manat təşkil etmişdir)
Qeyd edək ki, "MiniBoss Business School" dünya bazarında 27 ölkədə 70-dən çox filialı ilə innovativ iş metodologiyalarından istifadə edən yeganə məktəbdir. Məktəb özünün unikal metodologiyasına əsaslanaraq 6-17 yaşlı uşaq və yeniyetmələrin sahibkarlıq potensialının hərtərəfli inkişafı və güclü liderlik keyfiyyətlərinin üzə çıxarılması üçün geniş imkanlar yaradır. MINIBOSS BUSINESS SCHOOL beynəlxalq təhsil şəbəkəsi hər il 6-17 yaşlı uşaq və yeniyetmələr arasında STARTUP Forum, sahibkarlıq üzrə ölkə və dünya çempionatları təşkil edir. Bu il dünya çempionatı iyunun 29-dan iyulun 2-dək İstanbulda (Türkiyə) keçiriləcək.
Xatırladaq ki, iyul ayında Qlazqoda (Şotlandiya) keçirilən 2023-cü il dünya çempionatında Azərbaycanı təmsil edən “Econotes” layihəsi birinci yeri tutub. Bununla yanaşı, orada təqdim olunan doqquz layihədən altısı davamlı inkişaf sahəsində BMT-nin mükafatlarına layiq görülüb və "MiniBoss Business School"un Bakıdakı nümayəndəliyi 73 filial arasından birincisi seçilib.
