...

Azərbaycan tarixində ilk IPO-nun vaxtı dəyişdirildi

Biznes və iqtisadiyyat xəbərləri Materials 28 Oktyabr 2014 17:46 (UTC +04:00)

Azərbaycan, Bakı, 28 oktyabr /Trend, müxbir Azad Həsənli/

Azərbaycanın "GoldenPay" şirkəti IPO-nun (səhmlərin ilkin açıq yerləşdirilməsi) keçirilməsini 2015-ci ilin martına keçirdi. Bu barədə Trend-ə şirkətin baş direktoru Fərid İsmayılzadə bildirib.

Onun sözlərinə görə, 2014-cü ilin sonuna planlaşdırılan şirkət səhmlərinin açıq yerləşdirilməsi müddətinin dəyişdirilməsi texniki problemlərlə bağlıdır.

Qeyd edək ki, bu, Azərbaycan tarixində ilk IPO olmalı idi. IPO yerləşdirmə üzrə market-meyker "Pasha Capital" ASC seçilib.

F.İsmayılzadə deyib ki, "Pasha Capital" ilə hələ müqavilə imzalanmasa da, səhmlərin yerləşdirilməsinə hazırlıq üzrə müzakirələr aparılır.

Hazırda "GoldenPay" şirkəti informasiya sistemi hazırlayır. Həmin sistemin köməyi ilə qarşıdakı IPO çərçivəsində şirkətin səhmlərinin alqı-satqısını internet vasitəsilə həyata keçirmək mümkün olacaq. İndi şirkət bu sistemin quraşdırılacağı planlaşdırılan "Pasha Capital" ilə müzakirələr aparır.

Bir müddət əvvəl Qiymətli Kağızlar üzrə Dövlət Komitəsinin (QKDK) Aparat rəhbəri Bəxtiyar Əzizov jurnalistlərə bildirmişdi ki, komitə ölkədə ilk IPO-nun keçirilməsinə çox ciddi maraq göstərir.

Azərbaycanın bir neçə şirkəti IPO-nun keçirilməsinə maraq göstərib. Onlardan biri də elektron ödənişlər sahəsində ixtisaslaşan "GoldenPay" şirkətidir. Şirkət yerləşdirmənin keçirilməsinə hazırlaşır. "Goldenpay" açıq yerləşdirməyə səhmlərinin təqribən 10 faizini çıxartmağı nəzərdə tutub.

Azərbaycanda onlayn-ödəniş xidmətləri provayderi olan "Goldenpay" 2007-ci ildə yaradılıb. Sistem Visa və MasterCard beynəlxalq ödəniş sistemləri ilə əməkdaşlıq sayəsində yerli şirkətlərə istənilən bankın plastik kartlarının köməyi ilə internet vasitəsilə göstərilənlər xidmətlər və ya məhsullar üçün ödəniş həyata keçirməyə imkan verir.

Məqalədə:
Xəbər lenti

Xəbər lenti