Bakı. Trend:
İngiltərənin "Nottingem Forest" klubu müdafiə xəttini yeni oyunçu ilə gücləndirib.
Trend xəbər verir ki, bu barədə klubun mətbuat xidməti məlumat yayıb.
"Qırmızılar" "Yuventus"dan Nikolo Savonanı transfer edib.
"Nottingem Forest" italiyalı futbolçu üçün Turin klubuna 15 milyon avro təzminat ödəyəcək. Premyer Liqa təmsilçisi 22 yaşlı sağ cinah müdafiəçisi ilə 2030-cu ilin yayına kimi nəzərdə tutulan müqavilə imzalayıb.
Qeyd edək ki, Nikolo Savona "Yuventus"un yetirməsidir. İtaliya millisinin üzvü ötən mövsüm "ağ-qaralar"ın heyətində meydanda çıxdığı 40 rəsmi matçda 2 qol və 1 məhsuldar ötürmə ilə yadda qalıb.