Bakı. Trend:
"McLaren" komandasının avstraliyalı pilotu Oskar Piastri "Formula-1" üzrə 2025-ci il dünya çempionatının 15-ci mərhələsi olan Niderland Qran-prisinin təsnifat mərhələsində qalib gəlib.
Trend xəbər verir ki, yarış Zandvoort dairəsində keçirilib.
İlk üçlükdə Piastrinin komanda yoldaşı, britaniyalı Lando Norris və "Red Bull"un niderlandlı pilotu Maks Ferstappen də yer alıb.
Əsas yarış avqustun 31-də, Bakı vaxtı ilə saat 17:00-da start götürəcək.