Bakı. Trend:
Qərbi Afrika sahillərində miqrantları daşıyan qayığın batması nəticəsində azı 70 nəfər ölüb.
Trend "Reuters"ə istinadən xəbər verir ki, faktı Qambiya Xarici İşlər Nazirliyi təsdiqləyib.
İlkin məlumata görə, qayığın göyərtəsində 150-yə yaxın şəxs olub. Onlardan yalnız 16 nəfər xilas edilib, digərləri isə itkin düşmüş sayılır.
Qambiyadan çıxan qayığın hansı istiqamətə üz tutduğu hələlik açıqlanmır.