Bakı. Trend:
Estoniyanın Baş naziri Kristen Mixal ölkənin ümumi daxili məhsulunun (ÜDM) 5%-dən çoxunu müdafiə xərclərinə ayırmaq niyyətini açıqlayıb.
Trend xəbər verir ki, bunu o, Ursula fon der Lyayenlə görüşündə deyib.
Baş nazir bildirib: "Estoniya qarşıdakı dörd il ərzində ÜDM-in 5%-dən çoxunu müdafiə ehtiyaclarına ayırmaq niyyətindədir".
Mixalın sözlərinə görə, bu xərclərin maliyyələşdirilməsi üçün hökumət SAFE kredit alətindən istifadə etməklə borc vəsaitləri hesabına 3,6 milyard avroya qədər vəsait cəlb etməyi planlaşdırır.
Qeyd edək ki, iyun ayında keçirilən NATO sammitində üzv ölkələr 2035-ci ilə qədər əsas müdafiə ehtiyaclarına hər il ÜDM-in 5%-ni xərcləmək barədə razılığa gəliblər.