Bakı. Trend:
Argentinalı vinger Alexandro Qarnaço İngiltərə klubları arasında transfer olunub – o, "Mançester Yunayted"dən "Çelsi"yə keçib.
Trend xəbər verir ki, bu barədə London klubunun rəsmi saytı məlumat yayıb.
21 yaşlı futbolçunun müqaviləsi 2032-ci ilə qədər nəzərdə tutulub. Jurnalist Fabrizio Romanonun məlumatına görə, transferin dəyəri təxminən 40 milyon funt-sterlinq təşkil edib. Qeyd olunur ki, transferin təşəbbüskarı da futbolçunun özü olub.
Qarnaço 16 yaşında "Atletiko"dan "Mançester Yunayted"ə gəlib və klubun akademiyasının məzunudur. "Qırmızı şeytanlar"ın əsas komandasındakı karyerası ərzində o, bütün turnirlərdə 144 oyunda iştirak edib, 26 qol vurub və 22 məhsuldar ötürmə edib.