Bakı. Trend:
Bu gün "Araz-Naxçıvan" futzal üzrə UEFA Çempionlar Liqasının ilkin mərhələsində sonuncu oyununa çıxıb.
Trend xəbər verir ki, Naxçıvan təmsilçisi Avstriyanın "Ljuti Krajişniçi" klubuna qarşı mübarizə aparıb.
Linz şəhərindəki NMS İdman Sarayında keçirilən görüş Azərbaycan çempionunun tam üstünlüyü ilə yekunlaşıb – "Araz-Naxçıvan" rəqibini 12:3 hesabı ilə məğlub edib.
Qeyd edək ki, Yevgeni Kukseviçin başçılıq etdiyi komanda F qrupunda daha əvvəl Şimali İrlandiyanın "Sparta Belfast" klubuna 9:1, Şotlandiya təmsilçisi "PYF Saltires"ə isə 7:2 hesabı ilə qalib gəlmişdi.