Bakı. Trend:
ABŞ Prezidenti Donald Trampın administrasiyası Müdafiə Nazirliyinin adının yenidən Müharibə Departamenti olaraq dəyişdirilməsinin yollarını araşdırır.
Trend-in Wall Street Journal-a istinadən məlumatına görə, Trampın prezidentliyə qayıdışından sonra Pentaqon rəhbərliyi bu məsələyə dair “qanunvericilik təklifləri” üzərində işləməyə başlayıb. Məqsəd quruma 1789–1947-ci illərdə daşıdığı əvvəlki adını və funksiyasını qaytarmaqdır.
Mənbələrin bildirdiyinə görə, belə bir addım Konqresin təsdiqini tələb etdiyindən, Ağ Ev alternativ mexanizmlər axtarmağa başlayıb.