Bakı. Trend:
ABŞ-da fəaliyyət göstərən Amerika Azərbaycan Mədəniyyət Fondunun rəhbəri Nurit Qringerin rəhbərlik etdiyi nümayəndə heyəti Şuşa şəhərinə səfəri başlayıb.
Trend-in Qarabağ bürosu xəbər verir ki, nümayəndə heyəti Bülbülün, Xurşud Banu Nətavanın və Üzeyir Hacıbəyovun güllələnmiş heykəllərini ziyarət edib.
Ermənilərin xarabalığa çevirdiyi Nətavanın ev muzeyində olub. Bundan başqa Şuşanın tarixi yerlərini öz gözləri ilə görüb. Şuşanın tarixi barədə qonaqlara məlumat verilib.
Xatırladaq ki, nümayəndə heyəti 19 aprel tarixində Xudafərində olmuşdular.
