Azərbaycan, Bakı, 19 mart / Trend , müxbir N.İsmayılova/
Azərbaycanda 2010-cu ilin yanvar-fevral ayları ərzində qeydiyyatdan keçmiş ipoteka kağızlarının sayı 15,7 dəfə artıb. Bu barədə Qiymətli Kağızlar üzrə Dövlət Komitəsinin məlumatında deyilir.
Məlumatda deyildiyi kimi, hesabat dövrü ərzində 362 ipoteka kağızı qeydiyyatdan keçib ki, bu da 2009-cu ilin müvafiq dövründəki göstəricidən 15,7 dəfə çoxdur. İpotek kağızlarının əlavə qeydiyyatı 105,5 dəfə artaraq 422 ədədə çatıb.
2010-cu ilin yanvar-fevralında 174 ədəd girov qiymətli kağız qeydiyyatdan keçib ki, bu da 2009-cu ilin göstəricisindən 20 faiz çoxdur. Girov qiymətli kağızların təkrar qeydiyyatı 43 faiz azalaraq 4 ədəd təşkil edib.
Martın 19-na olan rəsmi məzənnə 0,8033 AZN/USD təşkil edib.