Bakı. Fərid Zöhrabov - Trend:
Bu gün Bakının Sabunçu rayonunda yerləşən yanacaqdoldurma məntəqələrindən birində yanğın olub.
Trend-in məlumatına görə, Zabrat qəsəbəsində yerləşən yanacaqdoldurma məntəqəsində avtomobildə yanğın başlayıb. Mühərrik hissəsində başlayan yanğın avtomobilin salonuna keçib.
Operativ müdaxilə nəticəsində yanğının genişlənməsi və YDM-a keçməsinin qarşısı alınıb.