Fevralın 19-da Azərbaycan prezidenti İlham Əliyev Budapeştin mərkəzində yerləşən "Macarıstan Qəhrəmanları" memorialına baş çəkib.
Memorialın yerləşdiyi meydan XIX əsrin sonlarında, indiki parlament binasının tikildiyi vaxt salınıb. Macarıstanın azadlığı, ərazi bütövlüyü, suverenliyi uğrunda mübarizə aparmış bütün milli qəhrəmanların burada heykəlləri qoyulub. Bu meydan həm də ölkənin azadlıq rəmzi kimi də qəbul olunur.
İlham Əliyev meydanda ucaldılmış abidə kompleksinin önünə əklil qoyub.