Azərbaycan, Bakı, 28 fevral / Trend müxbir K.Zərbalıyeva/
Yazıçı-publisist, türkoloq alim Yunus Oğuzun "Attila" və "Qədim türklər və passionarlıq nəzəriyyəsi Qumilyovun tədqiqatlarında" kitabları Türkiyə türkcəsində çap edilib.
Trend-in verdiyi xəbərə görə, müəllifin sözügedən kitabları Hüseyn Adıgözəl tərəfindən Türkiyə türkcəsinə çevrilib.
Hər iki kitaba ön söz yazan Hüseyn Adıgözəl qeyd edir ki, Yunus Oğuz türklər və türklərin tarixi, ana yurdu, tarixi köçləri haqqındakı görüşləri, dərin araşdırmalar nəticəsində əldə etdiyi yeni məlumatları sözügedən kitablar vasitəsilə oxucularına çatdırır.
Qeyd edək ki, Yunus Oğuzun "Nadir şah", "Təhmasib şah" kimi tarixi romanları, eləcə də "Türkün tarixinə yeni bir baxış" kitabı da bundan əvvəl Hüseyn Adıgözəl tərəfindən Türkiyə türkcəsinə çervilərək çap olunub.
...