...

Narkotikin təsiri altında avtomobil idarə edən şəxs saxlanılıb

Hadisə 26 Yanvar 2022 10:59 (UTC +04:00)
Narkotikin təsiri altında avtomobil idarə edən şəxs saxlanılıb

Bakı. Fərid Zöhrabov - Trend:

Şəmkir rayon Polisi Şöbəsinin Dövlət Yol Polisi Bölməsinin əməkdaşları tərəfindən rayon ərazisində hərəkətdə olan “VAZ” markalı avtomobilin sürücüsü yol hərəkəti qaydalarını pozduğu üçün saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan Trend-ə verilən məlumata görə, həmin nəqliyyat vasitəsini sürücülük hüququ olmadan idarə edən Nurəddin Mirzəyevin narkotik vasitə qəbul etməsinə dair şübhələr olduğundan o, tibbi müayinədən keçirilib. Müayinənin nəticəsinə əsasən V. Məmmədovun narkotik vasitədən istifadə etdiyi məlum olub.

Şəxs barəsində toplanmış materiallar hüquqi qiymət verilməsi üçün aidiyyəti məhkəməyə göndərilib.

Məqalədə:
Xəbər lenti

Xəbər lenti