Azərbaycan, Gəncə, 15 sentyabr / Trend , V.Məmmədov/ Azərbaycanın qərbində yerləşən (paytaxt Bakıdan 365 kilometr aralı) Gəncə şəhərindəki hərbi hissələrdə yaradılan məntəqələrdə seçici fəallığı 64 faiz təşkil edir. Bu barədə Trend -a Gəncədə fəaliyyət göstərən Dairə Seçki komissiyalarından məlumat verilib.
Məlumata görə, Gəncədə 3 Dairə Seçki Komissiyasının nəzdində 7 hərbi seçki məntəqəsi fəaliyyət göstərir.
2 saylı İstintaq Təcridxanasında isə saat 15:00-a olan məlumata görə, seçicilərin fəallığı 93,71 faiz təşkil edir.
Dairə Seçki komissiyalarından bildiriblər ki, Gəncədə saat 15:00-a kimi 149 min 155 seçicidən 87 min 513 nəfəri seçkilərdə iştirak edib. Bu isə seçicilərin 58,67 faizini təşkil edir.
Saat 15:00-a olan məlumata görə, Gəncədə seçicilərin fəallığı üzrə 37 salyı Nizami Dairə Seçki Komissiyası liderlik edir. Burada seçicilərin fəallığı 62,2 faizdir.
Dairlərədən verilən məlumata görə, Gəncədə olan 37, 38, 39 və 40 saylı Dairə Seçki komissiyalarında 112 məntəqə üzrə 149 min155 seçici qeydiyyatdadır.
Məqalə müəllifi ilə əlaqə ünvanı: [email protected]