Azərbaycan, Bakı, 6 avqust /Trend, müxbir T.Hacıyev/
Bu il Tələbə Qəbulu üzrə Dövlət Komissiyası (TQDK) Prezident təqaüdü alacaq 103 abituriyentin siyahısını təqdim edəcək. Bu barədə Dövlət Komissiyasının sədri Məleykə Abbaszadə cümə günü jurnalistlərə bildirib.
Siyahıya qəbul imtahanlarında 600-dən yuxarı bal toplayan abituriyentlər daxildir.
Abbaszadənin sözlərinə görə, bu il Türkiyənin Gülhane Tibb Akademiyasına 600-dən yuxarı bal toplayan 15 abituriyent daxil olub.
Ümumilikdə Azərbaycanın ali məktəblərinə 27 700 abituriyent qəbul olub.