Azərbaycan, Bakı, 5 noyabr /Trend, müxbir İ.İsabalayeva/
Sabahdan Azərbaycanda anomal hava şəraiti başlayacaq və bayram günləri davam edəcək.
Ekologiya və Təbii Sərvətlər Nazirliyi Milli Hidrometeorologiya Departamentindən şənbə günü Trend-ə bildiriblər ki, Bakıda və Abşeron yarımadasında noyabrın 06-da hava şəraitinin tutqun, fasilələrlə yağıntılı olacağı gözlənilir.
Güclü şimal-qərb küləyi əsəcək. Temperaturun anomal gedişi gözlənilir, belə ki, gecə və səhər 10 dərəcəyə yaxın, günün ikinci yarısında və axşam 2-5 dərəcə isti təşkil edəcək.
Noyabrın 7-də anomal kəskin soyuq hava şəraiti davam edəcək. Fasilələrlə yağıntılı olacaq, bəzi yerlərdə intensivləşəcək. Güclü Şimal-qərb küləyi əsəcək.
Havanın temperaturunun gecə və gündüz 0-4 dərəcə isti olacağı gözlənilir.
Noyabrın 8-də yarımadanın bəzi yerlərində yağıntılı olacağı, gündüz dəyişkən buludlu, əsasən yağmursuz keçəcəyi gözlənilir. Şimal-qərb küləyi əsəcək, gündüz mülayimləşəcək.
Havanın temperaturunun gecə 0-2 dərəcə, gündüz 3-5 dərəcə isti olacağı gözlənilir.
Noyabrın 09-da hava şəraiti dəyişkən buludlu olacaq, əsasən yağmursuz keçəcək.
Cənub-qərb küləyi əsəcək.
Havanın temperaturunun gecə 2-4 dərəcə, gündüz 5-7 dərəcə isti olacağı gözlənilir.