Bakı. Trend:
Cari ilin 1 yanvar vəziyyətinə xarici dövlət borcu 5 milyard 129,7 milyon ABŞ dolları təşkil edib.
Trend bu barədə Maliyyə Nazirliyindən məlumat əldə edib.
Məlumat görə, xarici dövlət borc portfelinin 35,1%-i Asiya İnkişaf Bankının, 27,0%-i avrobondların, 15,8%-i Dünya Bankının, 22,1%-i isə digər kreditorlardan cəlb edilmiş öhdəliklərin payına düşür.
Qeyd edək ki, Azərbaycan Respublikası Dövlət Neft Fondu və Azərbaycan Respublikasının Mərkəzi Bankının ehtiyatları - 71 milyard ABŞ dolları məbləğində olmaqla hesabat dövrünün sonuna xarici dövlət borcunu təqribən 14 dəfə üstələyir.
