Bakı. Trend:
Trans-Adriatik Boru Kəməri (TAP) Avropanın aşağıkarbonlu gələcəyə keçidində çox mühüm rol oynaya bilər.
Trend xəbər verir ki, bunu TAP-ın idarəedici direktoru Luka Skyeppati Bakıda keçirilən “yaşıl” enerji üzrə Məşvərət Şurasının 3-cü nazirlər iclasında bildirib.
“TAP Avropanın karbonsuzlaşdırma səylərini dəstəkləyir. Biz cari ötürücülük qabiliyyətimizi tədricən artırmaqla Avropanın enerji təhlükəsizliyi və karbonsuzlaşdırma istiqamətlərindəki hədəflərinə çatmasına vasitəçilik etməyə davam edə bilərik”, - deyə o qeyd edib.
Skyeppati bildirib ki, TAP Albaniyanın qazlaşdırılmasına və onun iqtisadi artımına dəstəklə bağlı öhdəliklərə tam sadiqdir və ölkənin dayanıqlı və təhlükəsiz enerjili gələcəyini dəstəkləyir.
“TAP həm qısamüddətli, həm də uzunmüddətli perspektivdə Avropanın aşağıkarbonlu gələcəyə keçidində mühüm rol oynamağa hazırdır”, - deyə o qeyd edib.
Bundan başqa, Skyeppati onu da əlavə edib ki, müəyyən şərtlərin və məhdudiyyətlərin nəzərə alınması şəraitində TAP hidrogen və biometan da nəql etməyə qadirdir. O bununla regionun karbonsuzlaşdırılmasına vasitəçilik etmiş olur.