Azərbaycan, Bakı, 15 avqust /Trend/
"Parabank" istehlak kreditləri üzrə faiz dərəcələrində dəyişiklikləır edib. Bu barədə bankın bazzar ertəsi yaydığı məlumatda deyilir.
"Əsas məqsəd kiçik və orta sahibkarlığın inkişafına dəstək, o cümlədən digər əhali qrupunun sərfəli şərtlərlə kredit əldə etməsi üçün imkan və şərait yaratmaqdan ibarətdir".- məlumatda bildirilir.
Artıq müştərilər həm biznes, həm də istehlak kreditlərini daha asan və daha sərfəli şərtlərlə əldə edə bilərlər. Onlar 60 aya qədər kredit əldə edə bilməklə yanaşı, həmçinin kreditin faiz dərəcəsini 22 faizdən başlayaraq bu növ kreditləri əldə edə bilərlər. Bundan əlavə bu növ kreditlər üzrə müştərilər kreditin müddətindən asılı olaraq 12 aya qədər güzəştli müddət əldə edə biləcəklər.
"Parabank" bankın həm təkrar müştəriləri üçün, həm də yeni müştərilər üçün bir sıra yeniliklər təqdim edir. Qeyd etdiyimiz faiz dərəcələri yeni müştərilər üçün tətbiq olunur. Bundan əlavə bankda müsbət kredit tarixçəsinə malik təkrar müştərilərə də əlavə üstünlüklər və güzəştlər tətbiq olunur.
Bu və digər yeniliklərlə bağlı ətraflı məlumat əldə etmək üçün istənilən Parabank filialına yaxınlaşa və ya 139 Banka Zəng xidmətindən istifadə etmək olar.
Azərbaycanın ilk kommersiya banklarından biri olan "Parabank" 1991-ci ildən öz müştərilərinə geniş çeşiddə universal maliyyə xidmətləri təqdim edir.