Bakı. Trend:
Azərbaycanın hazırda üzləşdiyi təhlükələrdən biri də iqlim dəyişikliyidir.
Trend xəbər verir ki, bunu Birləşmiş Millətlər Təşkilatının İnkişaf Proqramının (BMTİP) Azərbaycandakı daimi nümayəndəsi Alessandra Rokkasalvo jurnalistlərə deyib.
"Ətraf mühitin dəyişikliyi, biomüxtəlifliyin itməsi, iqlimin pisləşməsi - bütün bunlar nəticələrin real yüngülləşdirilməsi üçün böyük investisiyalar tələb edəcək. Hökumət artıq "Yaşıl" Azərbaycanı təşviq etməklə bununla məşğul olur. Söhbət həm beynəlxalq, həm də milli səviyyədə özəl sektordan investisiyaların cəlb olunmasından gedir", - deyə o qeyd edib.
Qeyd edək ki, Azərbaycan BMT-nin müxtəlif ixtisaslaşmış strukturları ilə səmərəli əməkdaşlıq edir. BMT və Azərbaycan arasında “2021-2025-ci illər üçün Dayanıqlı İnkişaf Sahəsində Əməkdaşlıq üzrə Çərçivə Sənədi” ikitərəfli münasibətlərin strateji istiqamətlərini müəyyən edir.