Azərbaycan, Bakı, 13 oktyabr /Trend, müxbir E.İsmayılov/
Oktyabrın 14-ü saat 10:00-dan 18:00-dək Azərbaycanın Qax, Zaqatala və Balakən rayonlarına qazın verilişində fasilələr yaranacaq.
Trend-in cümə axşamı ARDNŞ-yə istinadən yaydığı məlumata görə, "Yevlax-Balakən" qaz kəmərində aparılan işləri ilə əlaqədar bu rayonlara təbii qazın verilişində fasilələr olacaq.
Azərbaycan ərazisində qazın paylanması və satışı ilə ARDNŞ-nin "Azəriqaz" İstehsalat Birliyi məşğul olur.