...

Ötən il Energetika Nazirliyinin Çağrı Mərkəzinə 4980 zəng daxil olub

Energetika 17 Yanvar 2022 10:49 (UTC +04:00)
Ötən il Energetika Nazirliyinin Çağrı Mərkəzinə 4980 zəng daxil olub

Bakı. Trend:

2021-ci ildə Energetika Nazirliyinin “Çağrı Mərkəzi” və “Qaynar xətt”i vasitəsilə 4980 müraciət qəbul edilib.

Daxil olan zənglərin 431-i qaz təchizatı, 313-ü sayğacların quraşdırılması, 41-i mərkəzi istilik sistemi, 1087-si isə digər məsələlər, qalan müraciətlər isə elektrik enerjisi təchizatı ilə bağlı olub. Zənglərin 94-nü təşəkkür xarakterli, 11-ni isə qaz sızması və ya dəm qazı ilə bağlı Fövqəladə Hallar Nazirliyindən daxil olmuş müraciətlər təşkil edib.

Bu dövrdə daxil olan bütün zənglər operativ şəkildə cavablandırılıb, araşdırma tələb edən müraciətlər aidiyyəti üzrə nazirliyin müvafiq struktur bölmələrinə və tabeliyindəki qurumlara yönəldirilib, müraciət edən şəxslər araşdırmaların nəticələri barədə məlumatlandırılıb.

Qeyd edək ki, vətəndaşların müraciətlərinə baxılması işinin səmərəli təşkili, daxil olan müraciətlərin çevik qəbul edilməsi və icrasının təmin edilməsi, energetika sahəsinə və nazirliyin səlahiyyətlərinə aid olan məsələlərə operativ baxılması məqsədilə Energetika Nazirliyinin “974” “Çağrı Mərkəzi” və (012) 598-16-55 “Qaynar Xətt”i fəaliyyət göstərir.

“Çağrı Mərkəzi”nin xidmətlərindən istifadə etmək üçün vətəndaşlar Bakı şəhəri üzrə “974”, bölgələrdən və ölkəmizdə mövcud olan bütün mobil operatorlardan "012 974" nömrəsini yığmaqla zəng edə bilərlər. “Çağrı Mərkəzi” qanunvericilikdə nəzərdə tutulmuş qaydada iş günlərində saat 9.00-dan 18.00-dək fəaliyyət göstərir.

Məqalədə:
Xəbər lenti

Xəbər lenti