Azərbaycan, Bakı, 20 fevral / müxbir S.Babayeva/Azərbaycanın Rabitə və İnformasiya Texnologiyaları Nazirliyi 2009-2012-ci illər üçün "Elektron Azərbaycan" Dövlət Proqramının hazırlanmasına başlamaq haqqında rəsmi qərar qəbul edib. Bu barədə çərşənbə günü dövlət idarəsindən məlumat veriblər.
"Qərar nazir müavini İltimas Məmmədovun sədrliyi altında Dövlət Proqramının Koordinasiya Şurasının iclasında qəbul edilib", - nazirlikdən bildiriblər.
Proqrama gələcək illərdə Azərbaycanın rabitə və informasiya texnologiyaları sahəsində inkişaf prioritetləri daxildir.
Proqramın ilkin variantı üç aya hazırlanacaq.
Azərbaycanda rabitə və informasiya texnologiyalarının inkişafı üzrə əvvəlki və birinci dövlət proqramı ("Elektron Azərbaycan") dövlət başçısı İlham Əliyev tərəfindən 2005-ci ilin oktyabrında təsdiqlənib və 2005-ci ildən 2008-ci ilədək dövrü əhatə edir.
Dövlət Proqramı rabitə və informasiya texnologiyaları sahəsində iqtisadi-struktur islahatları, yeniləşdirmə və genişləndirmənin aparılması, informasiya cəmiyyətinə keçidin təmin edilməsi üzrə layihələrin hazırlanması və reallaşdırılmasına istiqamətlənib.
"Elektron Azərbaycan" Dövlət Proqramının reallaşdırılması üzrə tədbirlər planına iqtisadi-struktur islahatları, özəlləşdirmə, liberallaşdırma, nizamlama, texniki yeniləşdirmə, teleradioyayımın təkmilləşdirilməsi, poçtda islahatlar, informasiya cəmiyyətinə keçid daxildir.